Denmark Le Norway Hriphi tefa tonnak

 

 

Norway ram khualipi Oslo khua ah Nule mino

Norway ram ah a um mi.Hriphi tefa/hrilhruai hna cu Pathian lam hruai nak thawngin.Avoi 8nk  cu July 13 -16 tiang Stabekk  khua “Norway “ram ah  tonnak kan ngei khoa hna. Hi kan i tonnak bik cu Khua caah zeitin dah rian kan tuan lai, Kan mino hna nih  kan holh siseh kan khua siseh kan sining tbk hna hi philh hna hlah seh tiah saduhthah bik cu asi.Kum tampi, a hmu bal lo mi, khua mi hna zong a thar in kan i hmu kho dih hna i, a nuam tuk hringhran.

Denmark lei in kan unau/fanau hna nih,  a kan telpi,oidang Tonnak kan tuah mi nak in tukum cu a sung lawi khun tiah, a ho paoh nih kan ruah.Nuamh nak le I hawikomh nak phuntling in kan tuah i kan i nuam taktak. Kan tlang tar: Unau rual i rem tein khuasak tti hi zeitluk in dah a nuamh ti mi  kan tlangtar hi a tling khun ko tiah biaza phunphun in kan chim.kan upa te nih lawmhnak bia an chim paoh ah an chim peng. Kan i pumhnak ah siseh zei thilh kan tuah nak kip ah tlam a tling dih i a nuamh zong  a nuam tuk.Hi bantukin Hriphi tefa hrilhruai ton khawh nak caah khua khang tu upa te cungah mipi nih lawmh nak chim cawk lo kan ngei. Pathian nih hmailei an rian tuannak ah lamhruai hna seh law fimnak zong chap chinchin rih ko hna seh.
Norway le Denmark nih fimthiamnak lei in kan i bochan i, kan i zoh chun taktak mi Peter Sang Liang Thang nih mino hna zeitin dah hmailei ah fimnak lei ah kan thancho lai timi zong cawnpiak nak a kan ngeih piak. Acawn piak mi zong a tha tuk hringhran i lung zong a hmui khun.Hi bantuk in khua mi caah a fimnak le a thazaang zeizong te chuah in  a kan cawnpiak tu Peter Sang Lian Thang cungah kan i lawm.Hmailei zongah hi bantuk in thazaang a kan chuah piak lai ti zumhnak kan ngei ko. Eu ram i a um mi Hriphi tefa hna zong lam tha ah a kan hruai lai ti mi zong kan zumh.
2013 Hriphi tefa/hrilhruai tonnak cu Denmark i a um mi hna nih sawmnak a um caah, Hmaikum tonnak cu Denmark khua ah a silai. Cu zongah cun Hriphi tefa/Hrilhruai  nan dih lak in a thar in sawm than nan si. Khua dawtnak lungput he nan rak chuah dih nak lai kan in nawl hna.

 

 

Subscribe / Share

Article by bawibik

Authors bio is coming up shortly. Read 6 articles by

Vapual Cartoons

sep10_phaipi2 1-10-11gn sep14_phaipi1 sep14_phaipi4 1-10-11i 24-05-11p

Gallery

img116 imgp0722 pic_7517 hriphi-5 imgp0769 imgp0733

Phaipinel Rawnttha (Hla)

Biak Tin Thang [Wrestling]



Biak Tin Thang cu Pu Thla Kung le Pi Za Iang (USA) hna i an fa 5 lak ah a pa thumnak asi. Youtube ah mirang pawl he ai paih lio tampi aummi lak ah pahnih hi acung ah kan taar hna.

2 visitors online now
0 guests, 2 bots, 0 members
Max visitors today: 36 at 08:30 am UTC
This month: 39 at 11-07-2014 08:56 am UTC
This year: 48 at 10-18-2014 04:00 am UTC
All time: 48 at 10-18-2014 04:00 am UTC